جرح القريب غريب - 211\212\213\214\215 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 14* *الفصل (211/212/213/214/215) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب غريب😔💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعة 🥹💗⃟🎀* مُنى: بابا قلها متبكيش أنا مش قادرة اسمعها بتعيط قلبي بيوجعني.. عبد القادر مسك رأس رزان: رزان يا روح ابوك بس بكاء حرام تحرقيه، بعدين هو عاده جاهل وربنا بيدخله الجنة إن شاء الله، هيا اهدي وشوفي اختك مُنى كيف تبكي عليك.. رزان شافت لمنى يلي تبكي وضمتها، متبكيش يا رزان.. رزان تبكي بقهر وأكرم جنب الجدار يبكي وبشار يواسيه، لمار مسحت وجهها.. _ هو مين اللي مات يا بابا أنا مش فاهمة حاجة.. _ دا ابن اخت خالتك سوسن، جاهل صغير كان فيبه مرض القلب، قلبه ضعيف واليوم توفى.. رزان بكت أكثر وكريمة تربت على ظهرها: بس يا بنتي بطلي بكاء الله يرحمه يا بنتي الله يرحمه.. لمار حطت يدها على فمها، وسوسن خرجت وهي تبكي وتصيح: _ ويلي عليك يا سامية اهئ اهئ، ويلي عليك يا صفواني يا روح خالتك وااااي يا ربي.. نجوى: أجي معاكم يا عبد القادر؟ _ لا ما فيش داعي، أنا مستعجل وعادك تلبسي وتتجهزي بتأخرينا، خلينا اروح بسرعة.. أكرم وقف: اباه بجي معاكم.. بشار: وأنا كمان عايز أجي معاكو.. عبد القادر: خلاص هيا.. نجوى: لا بشار فين يروح أخاف يضيع عاده ما يعرفش واحد هنا.. بشار: بس يا ماما أنا عايز أوقف مع أكرم.. نجوى مسكت بأكتافه: لا يا روح أمك بيجلسوا يبكوا ويصيحوا وبتخاف، لا خلك هنا.. عبد القادر مسك بسوسن وهي تصيح، وأسماء خرجت تبكي بس بهدوء، وهو لفت للمار (لمار اختك رزان عندك واسيه).. لمار فتحت فمها وشافت لرزان يلي تبكي: ب..بس أنا.. وابوها خرج مع سوسن وأسماء وأكرم، وراحوا بالسيارات.. لمار تشوف لرزان يلي تبكي وضامة مُنى بس ولا عرفت أيش تسوي، نجوى تربت على ظهرها: _  رزان يا قلب عمتك تعالي ندخل للداخل هيا يا روحي هيا.. شيمَاء مسكت بيدها: تعالي يا رزان ندخل هيا.. ووقفتها وهي تبكي ودخلين للديوان، وكريمة بعدهن ولمار لحقتهن مع بشار.. أيهم وصل للمستشفى، ودخل وشاف عبد الفتاح يبكي، باب الباب وجرى لعنده: _ عم عبد الفتاح.. عبد الفتاح مسح دموعه: حيا ابني أيهم.. أيهم بقهر: ع..عظم الله اجرك وقوي قلبك.. عبد الفتاح زم شفايفه وهز رأسه وهو يبكي، أيهم وقف وشاف سامية ممددة فوق السرير ونايمة باين ضربوا لها مهدئ والممرضات عندها، ودموعه نزلوا بقهر ومسحهم سريع _ فينه صقر؟ عبد الفتاح تنهد ومش قادر يطلع الغصة يلي تخنقه: اندكو بالغرفة يلي هناك، ر..رافض يخلينا نبز صفوان نغسله و...ندف.. ما قدر يكمل وانهال بكاء، وأيهم باس رأسه ودموعه ينزلوا وربت على رأسه: _  الله يرحمه يا عم عبد الفتاح الله يرحمه،(ووقف) أنا بروح اشوف صقر.. _ ر..رح لعنده يا ابني يمكن تقدر تقنعه، أ..أنا خلاص مش قادر اشوفه مش قادر اهئ اهئ.. أيهم راح وكان يسمع الصياح، ودخل وشاف الدكتور واثنين رجال متجمعين حول صقر يلي ضامم صفوان ويصيح _ والله يلي يقرب منكم بقتله، ابعدوووووا.. أيهم راح وشافه يبكي وضامم لرأسه، صفوان ما ماتش لا ما ماااتش اهئ اهئ.. الدكتور: يا ابني حرام عليك خلنا نغسله وندفنه ما يجوزش كدا.. صقر شاف له وعيونه قد بيتقطعوا ومش باينين من كثر الاحمرار والدموع، ما بيدفنوه، والله ما بيدفنووووه، ابعد أقول لك ابعدددد.. أيهم جلس وهو يبكي: ص...صقر خلاص حرام خلنا ندفنه.. صقر يبتسم بقهر: ح...حتى أنته يا أيهم مش مصدقنا، ش..شوفه شوف (وحرك رأس صفوان) ش..شوف ابتسامته والله مكانه عايش.. أيهم فتح فمه ويشتي يتكلم بس ما قدر، ونزلوا دموعه ونزل رأسه يمسحهم، عاده هئ هئ عايش، صفواني ما ماتش لاااا ما ماتش لا لا اهى اهى (وضم رأسه وباسه مرة واربع) اهئ اهئ يا روح اخوووك يا صفواني اااخ يا ربي ليش كدا ليششش اهئ اهئ ااااااااه، (أيهم طوالي بز صفوان) ل..لا يا أيهم لا تبزوش لااااااا (وكان يفرع عليه) ابعد لا تبزه، والله ما أحد بيدفنه ابعدوووا.. أيهم: ب..بس بشوفه يا صقر هاته، ه..هاته (ومسك بكتف صفوان وبزه) خلنا ابوسه واشوفه.. وصقر يبكي ويبكي، وأيهم شاف لصفوان ولبراءته وطفولته، وتاك الإبتسامة العذبة، وتقاطروا دموعه كما المطر وباس جبينه وحضنه: _ وااااااااااااي عليك يا صفوان اهئ اهئ، واي عليك يا ابن خالتي اهئ اهئ ااااااااا.. صقر حط رأسه بالأرض ويبكي، وواحد منهم بز صفوان من أيهم يلي يبكي ويشهق، وصقر رفع رأسه وشافهم يبزوه وحاول يوقف: _  ل..لا لا تبزوه، أقول لكم لا هاتهههه.. أيهم حضنه بسرعة وانهال يبكي وصقر يبعده ويتشطط بس أيهم متحمل له وصقر يشد شعره ويلكمه، فلتنا يا أيهم فلتناااااااا، بيبزوا صفوان يا أيهم بيبزوا اخوووووي.. وأيهم ينشج بقوة، وصل رضوان وخالد وكمال وابوه للمستشفى، وسألوا على غرفة صفوان وراحوا، وشافوا عبد الفتاح يبكي وراحوا لعنده وهو شافهم ووقف.. 📚 @rewayatyamania  🇾🇪 . البـارت 212 ◇ جُــرح القـريب غـريب 💔 ابو بكر مسك بيده يقويه ويشد عليها والثاني يفرك بها ظهره.. _ خلك قوي يا عبد الفتاح أنته انسان مؤمن وربنا يمتحنك.. عبد الفتاح يمسح دموعه: ب..بس دا امتحان عويص يا حح ابو بكر.. رضوان: يا أخي كلنا على دا الطريق وما فيش واحد يجلس للأخير، وربنا بزه وعاده صغير والحمد لله لجنته إن شاء الله.. خالد: عظم الله اجرك يا عبد الفتاح.. عبد الفتاح هز رأسه، وباب الغرفة انفتح وخرجوا بصفوان وصوت صقر يطلع، كمال طوالي جري وشاف لصفوان وباس رأسه وعبد الفتاح يترنح ورضوان وابو بكر سندوه، وكمال دخل لعند صقر يلي يصيح، عبد الفتاح جثى للقاع وهو يشوف ابنه محمول وروحه قد صعدت للسماء، وحطوه بحضنه، وهو ضمه وانهال بكاء بصوت صغير: _  ااااااااااااااه يا ابني اهئ اهئ (وباس رأسه) الله يرحمك يا صفوان ابوك اهئ اهئ هئ هئ، الله يرحمك يا ملاكي انته واااااا عليك يا ابني.. خالد ما تحمل وتذكر زينة وراح يبكي بعيد، ابو بكر يشد على كتفه وهو يدمع، الله يرحمه يا عبدالفتاح خلاص، ربنا كريم ودي امانته اودعه عندك والآن رجع وبزه، عادك تشتي تمنعه.. _ ب..هئ هئ بس امانته وجعني فراقه يا شيخ  ابو بكر وجعني فراقه اهئ اهئ.. رضوان يمسح دموعه وباس يدات صفوان، خلنا نروح نغسله، ونصلي عليه بالمسجد هيا.. كمال دخل وشاف صقر يتشطط وقد وقع للقاع وأيهم مكانه ضامم له، بس يا صقر الله يرحمه بس.. صقر يشده بالشعر ويسحبه بالشميز: فك لي يا أيهم فكككككك، والله بقتلك، والله بقتلك فك لييييي.. كمال جرى لعندهم وبعد أيهم وصقر وقف يشتي يجري وكمال مسكه، بس يا صقر بلا جنان بسس.. صقر يتفرع ويدهفه: فلتنا يا كمال فلتتت، دا اخوي يا كمال اخوووي، أنته ما عشت معه، ما عشت معهههههه، ما حسيت بوجع إنك تعيش مع اخوك وتربيه بيدك ويروح كدا منك وما عاد تشوفه.. كمال بلع ريقه وما قدر يمنع دموعه من إنها تخرج، وصقر يدفعه وأيهم يبكي، ما تعرف دا الوجع ما تعرفوش يا كماااال ما تعرفووووش.. كمال صاح: إلا اعرفهههه.. صقر وقف وهدأ وأيهم يشوف له وكمال يبكي ويشهق، ا...أنا حاسس فيبك يا صقر هئ هئ، ا...أنا كمان فقدت اخوي وراح وسابنا كمان هئ هئ (صقر نزلوا ادموعه بصدمة وأيهم مش مصدق)، أ...أنا كمان ربيته زي ما ربيت أنته صفوان، ا...أنا عشت معه قليل عكسك، ب...هئ هئ بعدين راح يا صقر راح هئ هئ.. صقر رجفوا شفايفه وغطى عيونه وحضن كمال وانهال يبكي وكمال ما قدر ما يصيح ويبكي، رجع مشهد الماضي يتوثق قدامه بس الشخصيات دي المرة مش هو يلي يمثلهم بل صديقه واخوه، وانهال يبكي وأيهم حضن صقر من الخلف وبكوا كلهم بحرقة وقهر.. وصوت اذان العشاء طلع، عارف يردد بعد الأذان ويدعي ربه، وداد وغزل وزيد جابهم حسام للمستشفى وهو راح مع جراح لعند صقر بعد ما قال له بيلي استوى، واتصل لعارف يلي استقبلهن ووداهن لعند رُبا، وداد كانت تبكي وهي ماسكة يد رُبا يلي القرب فوقها وكمان الأكسجين، وهي تتتفس ببطء.. _ يا روح أمك وقلبه، فديتك يا عمري وقلبي انتي اهئ اهئ، ك..كنت بخسرك يا روحي (وحطت رأسها فوق السرير) اهئ اهئ يا بنتي.. غزل تبكي عندها، وعارف يربت على ظهر وداد: الحمد لله قدرنا ننقده يا مرة، اتحمدي الله واشكريه.. وداد رفعت رأسها للسماء: اللهم لك الحمد والشكر يا رب، ربي لك الحمد والشكر هئ هئ.. غزل: اباه فينه حسام؟ _ ااااح، اخو صقر صاحبه توفى، وهو راح مع جراح عشان يدفنوه.. وداد شهقت وغزل غطت فمها: اب...ابن سامية؟ _ أيوة، ربنا توفاه اليوم، صقر كان واقف معانا من الظهر يدور على اخته واخوه كان ميت يا وداد.. وداد بكت وهي تفرك فخذيها، لازم نوقف معه كلنا، أنا بلحق بعد حسام وجراح، وانتي خليك هنا مع غزل، وإدا حصل شي كلمينا تمام.. غزل: تمام يا اباه.. زيد: وأنا اشتي أجي معك يا اباه.. _ لا يا روح ابوك خلك هنا، الآن بتصحى رُبا إن شاء الله وأنته اتصل لي لمن تصحى تمام؟ _ تمام.. عارف باسه وخرج، الله يرحمك يا صفوان ويصبر قلبك يا سامية هئ هئ، ق...قد كنت بكون زيه اليوم وابكي على بنتي رُبا اهئ اهئ.. غزل ضمتها: بس يا اماه حبيبتي بس، اللهم له الحمد والشكر إن ربنا ما دوقنا فراق رُبا يا اماه.. وداد: ربي لك الحمد والشكر يا رب، وربي يصبرك يا سامية اهئ اهئ.. . . ووصل جراح وحسام للمستشفى مع وصول منصور وعبد القادر والسيارات حقهم لهناك، ونزلوا من السيارة، وجراح وحسام يمشوا، ابو بكر والبقية خرجوا مع عبد الفتاح يلي ساندين له خالد ورضوان، واثنين ممرضين خرجوا صفوان يلي قد كفنوه، والأسعاف قده خارج، ووصل ثلاثة اطقم للعسكر يلي مملين لهم، ومنصور لفت وشافهم ولف ظهره منهم ونزلت سوسن وأسماء، وشافين صفوان فوق النقالة وقد كفنوه وهي جرت وتصيح _  واي يا صفوااااااااان... البـارت 213 ◇ جُــرح القـريب غـريب 💔 ونزلت سوسن وأسماء، وشافين صفوان فوق النقالة وقد كفنوه وهي جرت وتصيح _  واي يا صفوااااااااان، (وهم وقفوا لها ونزلوا النقالة وهي جثت تبكي فوقه)، واي عليك يا روح خالتك، واي عليك يا روح خالتككككككك.. وأسماء واقفة تبكي وتبكي ورجعت جلست عند رجول صفوان، خرج عزام من الطقم والمسدس عند خصره على جنب وهو يمشي وقبعته عند كتفه داسس لها عند الشعار، ووقف قدام عبدالفتاح يلي هدأ قليل وكلام ابو بكر المليء بالراحة والإطمئنان جاب السكينة لقلبه، عظم الله اجرك يا عبد الفتاح.. _ واجرك الباقي يا فندم عزام، اللهم له الحمد على كل حال.. عبد القادر ومنصور واقفين بعيد قليل، عبد القادر ناحيهم يشوف ومنصور مقفي مكانه، تقول أيش جابه الشرطة يا منصور؟ (ولفت لمنصور المقفي) م..منصور ما لك كدا مقفي؟ _ اص لا تشوف لي، الشرطة أيش معه هنا الله يبزه.. عبد القادر مسح رأسه: نسيت إنك هارب منهم، الآن كيف نسوي؟ _ خلنا بعيد أحسن.. جراح وحسام راحوا لعند صقر يلي يبكي وضم جراح وبعدين حسام يلي جلس حاضن له كثير ويبكي، جراح وقف جنب أيهم وهزه: _ الله يرحمه، خلك قوي يا أيهم.. أيهم: ما توقعت يموت عاده صغير يا جراح، صغير وما شاف من الدنيا شي.. كمال: دا هو الموت، ما يفرق بين صغير وكبير أبدًا، والله أعلم من التالي يا أيهم، ربنا اكرم من أي واحد مننا، وأخد صفوان عشان يكون طير من طيور الجنة.. أيهم شاف أمه وأسماء، وراح ناحيهم وجلس يهدي أمه: اماه بس الله يحفظك لا تبكيش.. _ واي دا ابني يا أيهم ابني اهئ اهئ، واصل يجي عندي ويضحكني يا أيهم اهئ اهئ.. أيهم باس رأسها: خلاص يا اماه خليك قوية على شان تقوي خالتي سامية حرام المرة لوحده خليك قوته يا اماه لا تزيديش الطين بلة حرام يا اماه حرام.. _ ويلي عليه يا أيهم ويلي، خالتك تحبه أيش بيهديها ايششش أيش يا ناس الله أيش، د..دا ابنه يا ناس ابنه هئ اهئ.. عبد القادر يشوف لزوجته: أنا بروح يا منصور، وأنته خلك هنا.. وراح لعند سوسن ووقفها: سوسن بس تعالي (وشاف لأيهم) فينه خالتك يا أيهم؟ أيهم: داخل، هبوا له مهدئ، اسأل على غرفته وقد بيقولوا لك.. وبزها ودخلها المستشفى، وأيهم وقف أسماء يلي تبكي وهزها: _ خليك قوية يا أسماء خليك قوية.. أسماء تبكي وتبكي بس بهدوء، وبزوا صفوان للأسعاف وراحوا، وأسماء مرت من جنب صقر يلي عيونه بيغمضوا وهو باين فارغ الروح، وانقهرت عليه وأيهم أشر لها تلحق بأمها.. وراحوا كلهم للسيارات، ومنصور مقفي منهم وراحوا، كمال شاف السيارات الجديدة وآخر موديل واستغرب، وجراح والبقية طلعوا الأطقم مع العسكر، وكمال راح ناحي منصور يلي قال.. _ أنته! كمال حرك رأسه: من أنته؟ منصور بخوف شاف له: هه، أنته داك الليد صاحب البحر؟ أنا يلي كنت مع البنتين يلي صايحتونهم.. كمال رفع حواجبه: ه..هاه، ما عرفتك لإنك كنت لابس كمامة، أيش معك هنا؟ _ هاه، ل..لا بس كدا واحد من قرايبنا مات وجينا نشوفه.. _ هاه، الله يرحمه، حتى نحنا مات علينا جاهل قبل المغرب بقليل.. _ ا..الله يرحمه الله يرحمه، كلنا على دا الطريق.. عبد القادر جاء وأيهم شافهم وراح ناحيهم، الآن كيف بنسوي يا منصور؟ (وشاف لكمال) من دا؟ منصور: دا كدا واحد التقيته عند البحر، والآن التقينا بالصدفة.. عبد القادر شاف لكمال وهز رأسه، أيهم جاء، اباه أيش عاد معك هنا خلنا نلحق الجنازة.. كمال شاف له: ابوك؟ أيهم بإستغراب: كمال أيش معك هنا؟ عبد القادر ومنصور لفتوا له، ومنصور بصدمة: دا ابنك يا عبد القادر؟ عبد القادر أشر لعند كمال: تعرف دا الليد يا أيهم؟ كمال فتح فمه وأيهم والكل مستغرب: أ..أيوة دا كمال صاحبي، أيش معك عند أبي (وشاف لمنصور) ومن دا؟ كمال بسرعة: د..دا يلي يقرب للبنتين عند البحر، الصياح والخيل يا أيهم.. أيهم عقد حواجبه يتذكر، بعدين فزز وهو يشوف لمنصور: د...دا... ومنصور فزز عيونه، عبد القادر يشوف لأيهم: دا عمك منصور زوج عمتك نجوى.. أيهم: أيش! منصور معط شفايفه وهز رأسه: ما شاء الله دا ابنك أيهم يلي كلمتنا عليه؟ واضح كم هو مأدب ما شاء الله _ أيوة هو.. منصور مد لأيهم يده، وهو يرفع حواجبه بسخرية: تشرفنا يا أيهم، ما شاء الله رجال ومأدب كمان.. أيهم سلم عليه ويده ترجف: ت...تسلم.. وكمال يمسح شعره ووجهه، بعيد منهم قليل، كان يمشي وكان يراقص رجلينه ويميل بيداته،  ومنصور يشوف لأيهم يلي يشوف له ويرجع ينزل عيونه بخجل ويحك انفه، وكمال يعض شفايفه بخجل كمان.. عبد القادر: خلونا نلحق الجنازة هيا.. منصور شده لعنده: كيف بنروح والشرطة هناك، افرض شافونا.. _ يا أخي كيف بيعرفوك وقد الدنيا ليل، بعدين نسيت أنهم مش عارفين إنك يلي... . البـارت 214 ◇ جُــرح القـريب غـريب 💔 _ يا أخي كيف بيعرفوك وقد الدنيا ليل، بعدين نسيت أنهم مش عارفين إنك يلي قتلت محمد العدني، عادهم يحققوا وما عرفوا القاتل، بعدين القضية قد له عشرين سنة ودا قده عمر آدمي وأكيد الكل قد نسيه.. أيهم يهمس لكمال: واي شوف المصيبة طلع دا الرجال زوج عمتي، معناته البنتين يلي صايحونا أكيد بناته.. _ يا أخي اتحمد الله أنه ما قالش لأبوك بيلي حصل، بعدين الجنازة قد مشت خلنا نلحقه هيا.. منصور اقتنع وهز رأسه: خلاص تمام.. أيهم: خلاص بنروح نحنا نلحق الجنازة، هيا يا اباه.. عبد القادر: خلاص تعالوا بالسيارات حقنا.. كمال: لا شكرًا بنروح بالموتور حق أيهم.. منصور: هيا اطلعوا معانا قد بنروح كلنا، (وشاف لأيهم) صح يااااا أيهم.. أيهم بخوف وخجل هز رأسه: ا..أيوة ي..يا عم،(ومسك كمال بيده) هيا تعال أنته معي.. ومشى منصور وعبد القادر وكمال وأيهم بعدهم، شكل عمك وابوك بزنسمين.. أيهم: يا أخي دي مصيبة بحد داته، خلنا ساكتين أحسن لنا.. ومشى منصور وعبد القادر، ورجلينه هو يتراقصين وباين فرحان ومادد يداته ولا يدري عن العالم وبوووم انصدم بمنصور لمن ترنحوا كلهم، ومنصور وقع فوق باب السيارة، وعبد القادر جرى ووقف منصور _  منصور أنته بخير؟ وأيهم وكمال راحوا، اااح بخير بخير ما عليك (ومسك رأسه ورفع يشوف للي صدمه) أنته ما لك ما تشوفش.. رعد خلع نظارته: يا أخي الحق عليك.. الكل لفت له ومنصور ضيق عيونه: أنته!، (ورعد فزز عيونه) الآن أيش قصتك فين ما رحت تطلع لي يا جني، أيش معك هاااه.. رعد: والله أنته يلي تطلع بطريقي، شكلك تراقبنا.. منصور شده من الجرم وأيهم وكمال فزوا، من أنته أصلًا عشان اراقبك هاه، حضرة الوزير.. رعد يشوف له ودفعه: لا جنبه قليل.. @rewayatyamania  المصدر الأول للروايات منصور يصك اسنانه: شف طريقك أحسن لك، بعدين من يمشي في الليل ومركب نظارة شمسي كه فهمنا.. رعد: وأنته أيش دخلك عشان تقول لي كدا.. منصور راح ناحيه وعبد القادر يمسكه: أيش قلت.. _ بس اهدأ يا صهير.. أيهم وكمال راحوا يفرعوا وكمال يدفع رعد، خلاص يا جماعة خلاص اهدؤوا حصل خير.. أيهم: خلاص يا عم اهدأ قليل.. رعد دهف كمال: ابعد أنته، (وشاف لمنصور) وأنته من تحسب نفسك عشان تهادرنا كدا.. منصور يتفرع: أنته يلي من تحسب نفسك عشان تهادرنا كدا، روح من هنا قبل ما اسفك دمك رووح.. رعد اندفع وكمال يمسكه: وأنته من عشان تسفك دمي، والله بسفك دمك قبل.. ومنصور يتفرع يشتي يضربه ورعد يتشطط من عنده، بعدين كمال دفع رعد للخلف لمن كان بيوقع.. _ خلاااااص، بس يا جني، رح لك من هنا يلا.. رعد يبحلق بوجهه: وأيش دخلك أنته، ابعد لك.. وهجم يشتي يلكمه وكمال لف يده وعصرها لخلف ظهره وعرقل له برجله ووقع رعد على بطنه وجثى فوقه وملصق ليده عند ظهره ورعد يتوجع، ا...اااح...اه... ومنصور والبقية يشوفوا له بدهشة، وكمال صك اسنانه وبغضب: _ لا تسويش لي فيبه عنتريات كدابة، شوفنا بكسر لك يدك لو تحاول تمده عليا.. وضغط يده لفوق ورعد يصيح بتوجع: ااااااه اهااا اااا.. ومنصور راح وسحب كمال من فوقه: بس يا ليد فك له خله يروح، قد حقه معه.. رعد وقف وهو يصك اسنانه ومتوجع وهو ماسك ليده ويعرق: رح لك من هنا.. _ تتحاموا عليا هاه، اربعة على واحد ما يستويش، لكن هين.. عبد القادر: يا ابني روح لك قبل ما يكسرك هيا.. رعد أخذ نظارته يلي وقعت وراح، بينما منصور ربت على كتف كمال: _ عجبتنا يا ليد، بس دلا دلا كنت بتكسر له يده.. _ يستاهل، دا بلا أدب، شكله من دونه يلي يحششوا وكترانين دي الأيام.. أيهم: خلاص خلونا نمشي يمكن قد خلصوا صلاة الميت.. كمال: هيا إذًا.. وركبوا السيارات وراحوا، عبد القادر يسوق ومنصور جنبه يشوف لكمال من المرايا الأمامية، وأيهم وكمال جالسين خلف.. . . سامية صحت وكانت تبكي، وسوسن تهديها وتضمها وهي تصيح بقوة: _ ابني راح يا سوسن اهئ اهئ، ويلي عليك يا صفوان أمك اهى اهئ ااااااااااا، اااااااااه يا ربي.. نوال: ي..يا أختي ادعي له إن ربنا يرحمه، صفوان دا مكتوبه وربنا يمتحن صبرك.. راوية: أيوة يا سامية، دا قضاء الله وقدره وكلنا على دا الطريق.. رضية: شدي نفسك يا أختي وقويه، حتى أني بنت بنتي ضاعن من العصر ومهلوش.. سامية: على الاقل يمكن تكون عايشة هئ هئ، اما ابني قد وارى الثرى يا ناس، ابني مات اهئ اهئ، واي عليك يا صقر (أسماء لفت لها وهي تشهق،) واااي عليك يا صقر كيف بتسوي، اخوه ومربي له كما ابنه، اتعلق فيبه وحبه ولا عمره حب أحد زيه، والآن مات عليه اهئ اهئ يا ربيي.. أسماء انهالت بكاء وهي تتذكر حال صقر وكيف صايحته وانقهر، وصارت مصيبته وزعله زعلين بموت اخوه ورفضها له، عضت اصابع الندم بقهر وكملت بكاء.. . البـارت 215 ◇ جُــرح القـريب غـريب 💔 ريهام جالسة تدرس أنس، ايوة، تتسلف من العدد يلي جنبه وتعمل الرقم فوق العدد الأول، فهمت.. أنس: امممم، يعني مش كتير، خلينا آحل دا السؤال عشان إدا ما عرفت احلهم تعيدي تدرسينا.. ريهام هزت رأسها: خلاص تمام هيا (ولفتت لجود) وانتي حليتي الواجب أو عادك؟ _ باقي شوية راعي.. الباب اندق وهي راحت تفتح: اباه!!، حيا يا عيوني.. وهو دخل: الله يحييك يا بنتي.. أنس وجود جروا ناحيه: اباه اباه.. جود: اباه أيش جبت لنا معك؟ ريهام صاحت: بس يا عيال عيب عليكم.. رشيد ضحك: جبت لكم حاجات كتيرة بزونه.. جود بزت الكيس: فديتك يا اباه.. ريهام: الله يطول عمرك يا اباه.. رشدي: وعمرك يا روح ابوك، جبت معي بنت.. ريهام: بنت!، أيش من بنت يا اباه؟ رشدي راح للخارج ودخل ماسك لزينة، يلي اصبعها بيدها وهي تشوف لهم: دي البنت.. أنس: من دي يا اباه؟ رشدي جلس وزينة بحضنه: والله يا ابني مش عارف من هي أو من أهله، كنت اجمع القمامة، ما حسيت إلا وقطعت قدامي الخط، وكانت السيارة بتصدمه، بس سحبته بسرعة وربك نجاه، قد كانن بتموت.. جود: شوفي مااحلى فستانه يا ريهام اشتي زيه.. ريهام: ط..طيب أيش بنسوي دام ما تعرف أهله؟ _ والله مش عارف يا بنتي، بخليه هنا لمن يظهروا أهله.. ريهام: وك..كيف بتخليه هنا تعيش معانا وقدك عارف بوضعنا.. _ ربنا كريم يا بنتي، ويلي رزقنا بيرزقه معانا.. ريهام تشوف لزينة: أيش اسمه طيب؟ _ والله رفضن تقول لي، جالسة بس تبكي اشتي أبي اشتي أمي، وبكن لمن رقدن، وجلست ارعيها وأخاف تصحى وتهرب، ما اشتغلتش كتير.. جود: أيش اسمك يا نينوة؟ _ زينة.. الكل ضحك، وأخيرًا تكلمتي، اسمك مليح يا زينة.. ريهام: طيب أيش اسم ابوك وفين ساكنة؟ زينة وهي تلاعب اصابعها: أبي اسمه خالد واني أحبه كتييييير، أما خالي أمجد اعععع اكرهه.. ريهام والكل استغربوا، وليش تكرهيه يا زينة؟، الخال حنيته من حنية الأم.. _ كدا، بزني من عند أبي وما خليني اجلس عند أبي وجدي.. رشدي: طيب فين بيتكم ومع من كنتي لمن لقيتك بالشارع؟ _ بيتنا هني بعييييييد، و..اني أدور أبي وما حصلتوش.. أنس: تعالي نلعب يا زينة.. جود: تعال اوريك بالكتاب الدجاجة والفيل.. زينة راحت عندهم وهم يوروها الصور، وريهام راحت لعند ابوها: _ اباه تقول أيش قصة البنت دي وابوه وخاله؟ _ والله يا بنتي لو أعرف كنت قلت لك، بس ما أعرفش، إن شاء الله نعرفهم، أكيد قلبهم نار عليه الآن.. ريهام تشوف لزينة يلي تضحك، وتأشر للصور، أيوة والله، الله يعينهم.. . . وخلصوا صلاة الميت بالمسجد، وراحوا المقبرة يدفنوا صفوان، وعبد الباسط وصل النسوان وسامية للبيت، وتجمعوا نسوان الجيران يواسوها ويعزوها، سارة كانت فوق السجادة: _ الله يرحمه كلنا على دي الطريق هُدى: حرام والله عاده صغير، الله يصبر أمه، ويا رب تحصلي بنتك يا سارة.. سارة مسحت دموعها: الله يسمع منك يا هُدى، قد قلبي كما النار عليه، هي أكلت شربت راحت الحمام، عايشة أو ميتة اهئ اهئ ياااااا رب احفظه لي ورجعه لحضني يااااا رب.. رغد: إن شاء الله يا خالة إن شاء الله، بعدين ربنا كريم، يمكن كدا واحد طيب حصله وبزه بيته.. هُدى: أيوة صدق، وانشروا صورة بالوتس والفيس والجرائد، ويلي يحصله قد بيتصل بكم.. سارة: إن شاء الله إن شاء الله، بصلي لي ركعتين وادعي ربي يرجعه لي.. وجلست تصلي وتدعي خالق الأكوان يفرج ضيقتها، ورغد وهُدى يتهادرين: _ أني خايفة لو تعرف هيفاء إننا ساكنين هنا، يمكن تزعل لأنه بيته المستقبلي.. هُدى: يا بنتي لا قال لك تزعل، هيفاء طيبة وقلبه حنون، ويمكن من هنا لمن يعقد خالي ويتزوج قد لاقيتوا بيت للإيجار.. رغد: إن شاء الله يا هدوشة، بس والله المرمطة والعيش ببيوت الناس صعب ويوجع القلب.. هُدى: ربنا بيفرجه، انتي بس لا تكاربيشه على نفسك.. رغد: والنعم بالله، نحنا نهم البيت، وسامية تنوح على ابنه، وخالتي وخالي على بنتهم وغيرنا الكتيير معه مصيبته.. هُدى: كدا الدنيا، ربنا مش يمتحن نحنا وحدنا، هو يمتحن عباده كامل.. رغد: اللهم له الحمد على كل شي، نزعل عليه وهي دنيا وبتزول، خلينا نقرأ قرآن لروح صفوان أيش رأيك.. _ حلو والله، وبنقرأ كمال لزينة عشان ترجع،، رغد هيا إدًا وسارة تسمعهم وهي تدمع وتدعي ربها.. . . في بيت منصور كانت شيماء ولمار ومُنى عند  رزان يلي مكانها تبكي، نجوى جت ولابسة القميص حق الصلاة _  رزونة عمتك، بس يا روح عمتك بكاء قد نشفوا دموعك.. رزان تشهق: ب..هئ هئ بس يا عمة نحنا متعودين على صفوان يجي عند نحنا واصل، و..وداك متل اخي أيهم وأكرم اهئ اهئ.. شيمَاء: خلاص يا رزان امانة عليك خلاص بكاء قطعتي قلبي... مُنى: بس يا رزان..